ماچنت ادري بلعشاگ غیر السهر ماعدهم
كل يوم واگول اليوم اتوبن من المناطر
والمن شوفي المطشره
لهناک وترد اردود بیه اتوسوس العشره
وأتوب توبتي واشتاگ
هوه ابليس خو ملعون بس وگفاته حلوه ابملتقی العشاگ!!!!
اشما هومن واريد انساك
يعرض جرحي عرضت ناس مبخوتين!!!!
واضل محتار
لأمن فازع وناسيك لأمن راجع ولاگيك
يلمضيعني
ضحكه ابحلگ المشيعين!!!
وين اطلع؟؟؟؟
وجه ماعندي بل دفنه!!!!
لتحط ايدك ابغير ايد
جگاره الماتحب اشفاك صعبه اتيبلك صفنه!!!
شجاک وطابجتلک ناس امیین مایقرون البعینک!!!
یاهو المثلی من اتضوج ینفخ راحته ابطینک
تعال ارجوك
رد حظي الخذيته اوياك!!!
تعال ارجوك
غط العين بملاگاك!!!!
اريد امساتر الدمعه!!!
تدری ابعینی بت إيواد زحمه ازلوفهه امفرعه!!!!!
تعال ارجوك
لتخليني أصيرن سالفت رگبه ابلسان السيف!!!
لتطول علي فرگاك
يكشف سر المعسرين لو طول گعدته الضيف !!!!
متمني انتلاگه ابحلم
بس اشلون؟؟؟
الماينطي زكات النوم ربك مايرزقه ابطيف!!!!
موبطران
ماسد عیني عدي اسباب
القفص لوراح منه الطیر عیب اتفیده سدت باب
ماچنت ادري بلعشاگ غیر السهر ماعدهم
وانه اویه اهل الکهف چانتلي عشرة نوم
لوگعدوا شگللهم!!!!
ایي والله وبعد لاوین
اموگف صبري هاي اسنين!!
لا مريت ،،،،،
لا گتلي البعد شنهي؟؟؟؟
ال يدري ابروحا مو اخاذ عود المن بعد ينهي!!!!!!!!!
عبدالله عمراني
رد مع اقتباس
