انته تدري الرايدكً مو بالرسايل
البريد
ليش طالبت بجفاهم
وليش من راحو ، بچيت
وليش من طمو سچچهم ، مارضيت
وليش من عشگو سمارك ضيعتهم
وليش من رادو دفو اضلوعك وطنهم ، تيهتهم
وليش من غيرك خذاهم ، دورتهم
وليش من جهرو محبتك ، ما ردتهم
صارحت ساعي البريد وگتله كلشي
گتله احبهم
وقربت ساعي البريد ، وبعدتهم
وانته تدري الرايدكً مو بالرسايل
ليش مو حنو لديك احلى الجدايل
ليش تعتز بغلطتك ليش تزعل وانته عايل
ااااخ
مو فاتوك ربعك
وانته لا ضميت اديك
ولا رضيت اتحني اصبعك
ليش صدكت بحجيهم وانه كتلك خالفه
وانته تدري السالفه المابيهه شاهد سالفه
ليش تهوه الذكرى ليش
ليش هسه تكلي احبهم
وبوكتهم من سألتك كتلي طيش
ليش ضيعت التريده
اشبيك تايه مدري وين
اشبيك شارد من قصيده وترجع اتطيح بقصيده
چيمو يم نارك وترفض حطبهم
وعطشت وانته اتعرف شط بدربهم
وعلى دربك فتحو ادروب السواجي
ورفضت تشرب عذبهم
ليش تزعل !
ليش تزعل من شفت غيرك شربهم
والتكتلك باب باب انفتحن ورافض تطب
ليش وي روحك حرب
ترسم العثره بطريقك وين ما صحلك درب
طارق الكريماوي
رد مع اقتباس
