هنا

[فقار الكرخي]

ما أهتم أبد..
للماعرف قدري..
آنه مثل الصگر..
ما أنطي رچه بگاع..
أموت وما أسلم لليضد نحري..
هواي اختلف هيجي من الله..
مو بالكيف..
وچثير من الزلم حارو صدگ بأمري..
مارافگت ناس إزغار مايسوون..
آنه صحباني
لوشياب كلش لو مثل عمري..
إذا صافحت چف..
يعرفني إذا عميان..
مايسألني يعرف ميزتي بعطري..
جبتهة بدم..
مثل الليل..
خلگي..
وطيبتي..
وصبري..
اعشگ مو لعب..
وانطي الاحبه اسنين..
وآنه السنيت قانون الهوى العذري..
مو مثل اليناحر روجه..
مابيل حيل..
آنه اتلگاهة تارسني الهوه بصدري..
مثل السيف وجهة وگفاه..
تلگاه حاد..
هيبة وجه عندي..
وهيبتي بظهري..






علي السامرائي

[نـايـا]

حلو

سلم الذوق

[زيـــد عــلي]

عاشت ايدك ع الاختيار

[مًأّ يِّشُـبًهّـوٌنِيِّ]

جميل

[سمراء من قوم عيسى]

الله