هنا

[فقار الكرخي]

يا حبيبي
شكثر دورتك وره حيطان تعبي
وما لگيتك

وردتك الدنيا الجديده
وما صرتلي

يا حبيبي
هواي باچي گبال بيتك

ردت ادگ بابك
واگلك
جيب ديرم ضحكتك
حصه عيوني

بس جست جرحي ولگيتك

شاهده
عيون الله ساعتهه
بكبر عينك بچيتك

شاهده
عيون الشبابيچ اعله دمعي
شاهده
جفوف البرد من جاس ضلعي

يا حبيبي
مدري شنهي يصيحني
ايريدك واجيتك

طفله من ماتت امنيتي
گماطهه
ليليه يخنگني من اريدك

يا ذنوبي الكاتلتني شگد احبك
يا عرف گلبي شحلاتك
بكل حلال الگاع
من ذنبي اشتريتك

هاك طولي دخيل طولك تعبتني
يا قصيده زمزم شكد عطشتني

الدنيا ذبت حيلهه
اعله لساني سكته وما قريتك

انه بس بگلبي مدري شكد قريتك

ايگودني عليك العطش
واستغفر اسمك

وانتچي اعله الطف واموت
بكل عطش روحي اشتهيتك

يا حبيبي
گوم غث لون الگمر طلع سنونك

يا حبيبي
الدنيا تبدي منين ما تضحك عيونك

توگف بعيني ضحكتك

ما گلتلك
يوجعني ايامي الـ ايخلصن بدونك

يا بعيد
شوكت ما تذكرني
احلفك بوس روحك

يا بعيد
شما مشه بوجهي العمر تلگاني احبك

عيش نجمه
وانه احط نيتي اعله چفي بساع الوحك





امجد الحلفي

[سمراء من قوم عيسى]

عاشت الايادي

[فقار الكرخي]

منورة