محبوبي
موبيدي العشكـَ يسري بثنايا الروح
ومن شفتك حبيب الروح سميتكحسيتك قريب واغلى كل الناس
ولا جنك غريب وهسه لاكيتكومو سكته ودفن حبيتك وخجلان
كل الناس تدري بيوم حبيتك
بس تبقى لغز ما تنكشف للغير
يروحي بروح روح الروح ضميتك
ضميتك و اغار من الهوا يحاچيك
و من گد ما غرت ما يوم حاچيتك
يا نسمة هوا شمدريني راح اهواك
گلت مثل الهوا و ما ادرري .. شميتك
من ذاك الوكت ما غبت عن البال
الگلب بسمك تسجل و انحسب بيتك
يا نبعة ورد ما بيك نتفة شوك
ناعم يزهي لونك و العطر صيتك
فصلت البشر سويتهم تمثال
و انت الروح بالتمثال خليتك
حجر كل البشر بس گامو يحنون
قطرة نطيتهم من بحر حنيتك
يا نهر العشگ يا سلم الافراح
عطشان و حزين و واگع و جيتك
رايد كلمه منك مو كلام هواي
و اذا انت تريد الروح لبيتك
رد مع اقتباس
المشاركة الأصلية كتبت بواسطة Tota
