هو الفقير شدخلة بدرب العشگ
الما فالح بلگمة خبز… المن يحب?
وهو الفقير شدخلة بدرب العشگ؟
مايدري كل الحب چذب..
بس الفقير يحب صدگ؟
ويكضها باجر يابخت؟
يوگفها حظ لو سافرت؟
هوه الفقير شورطه…
ماحسب باچر يحترگ..
لو خانه جيبه وعرست؟
ياصاحبي ادروب العشگ..ماترحم الگلب اليحب
تشبه شعب هذا الوطن.. ميعيش البليه حزب
رد يافقير الموقعك..
أوگفلك بساتر خشن… وجهك مناسب للحرب
وباجر بريدك لو وصل.. لاتفتح اضروف الورد..
مكتوبك بضرف الصعب…
ومادامك بهذا الوطن
لاتحلم بغير التتن
يالونستك ..چاي... وجگاره مزبنه…
وموال ينزف من حلگ داخل حسن
علي العايدي
رد مع اقتباس
