شلونك بالبرد
فجر ينده شمس روحي
ويبدي الضوه بعيني
واشوف الوان هاي الناس
كلشي الوان بس لونك ترس عيني وصفنتي الشاربه الوهواس
مد جفك اكوم من الرماد انسان
اخذني وياك
درب فيّ اعله طولك تمشي وابجيلك
واذا عثرت ضوه تلاكيك اذب روحي عليهه واصرخ ادخيلك
اخذني وياك مصروره السوالف بيه مال سنين
واهس للدرب من يلتفت حيلك
واذا لاحك ضلام الليل روحي شموس تضويلك
شلونك بالبرد ياشمعة الليل
وي ميلت صورك كلبي ليميل
ردت شوفك ضحك يم المجاتيل
يل لمعة اعيونك باكت الحيل
تانيتك تمر مزنه تزيح اتراب المتاناة
وطفح بينه الدرب غربه
ودموع العليهه تراب فاضت بالوجه دهله
ياضحكه التزيح الليل من عيني
ادورك وين
يلكوه وطاحت بجالي ادورك وين
يالجمة برد وتردك بصفي ولك يازين
ثخن ليلي وزغري فيّي
وخليت الحلم بجفوفي بالتابوت
ياصوغة الصدفه ضوه وتموت ؟
تانيتك حلم وتفوت
اودي وي الشمس مرسال ضحكه ومستحه وخوفة بنات بيوت
حسن زايد
رد مع اقتباس
