المشاركة الأصلية كتبت بواسطة ćąŧ
ما ادري ليش اتخيلج بالحقيقة انسانة خجولة و شخصيتج جداً بعيدة عن شخصية كات ، ممكن تگليلي كلامي صح لو غلط ؟
اهلاً رامي ، صاير تحلل شخصيات ،ئوواو .. لا غلط.
٢ _ ليش احس الصداقات داخل المنتديات هي صداقات وقتية وفي حال تم اغلاق المنتدى كل شخص يروح لحياته ، توافقيني الرأي لو الج رأي آخر ؟
ما أوافقك الرأي ، اصدقائي المقربين جداً عندهم رقمي واكثر من موقع يربطني بيهم غير الدرر .
احب استفيد من خبرتج بالحياة ، عندي طبع قد يكون غريب شويه من خلال اختلاطي بـ الاجانب ان كان بسبب السياحة او اختلاط العمل او السكن لاني سكنت لفترة خارج العراق ، ما ادري ليش و اعتذر عن التعبير (اتقزز) من بعض الصداقات بين الجنس الواحد ، من تكون بكل لقاء لازم يتباوسون او وحدة تمسك ايد الثانية من يمشون او بالحجي لازم كله حبيبي وحياتي وهل كلمات ، الاجانب من يشوفون هيج شيء يعتبرون هذوله الاشخاص مثليين ، او عدهم هيج ميول ، شنو رأيج انتِ ؟ طبعاً كلامي يشمل علاقة الرجل بالرجل و البنت بالبنت
الأجانب يشوفون الاشخاص من هل النوع مثليين لإن دارج وماشي عندهم هلشي
عدنا طبيعي ، ف آني اشوف هلتصرفات عادية أذا چانت بحدود ..
٤ _ اعرف هذا الشيء محظور بمجتمعج او على الاقل محظور على الاناث و لكن ، شنو رايج بالخمور ؟ فكرتي بيوم من الايام تجربين هذه المشروبات ؟ واذا نعم شنو عاجبج تجربين ؟
أي عندي فضول اجربة ، چان عندي صديق دوم يمدح بالشمبانيا .. فـ أريد اجربها واشوف تستحق مديحة لو لا .
٥ _ بنظرج ليش دائماً اهل الوسط و الشمال ماخذين نظرة ع سكان الجنوب انهم اقل ثقافة و خاصةً المراة يعتبروها كائن كل وظيفته خدمة الزوج و اهله ؟
طبيعة المجتمع الجنوبي هيج ، لحد آخر فترة بدا الجنوب ينفتح " قليلاً" وينطي مُتنفس للمرأة .
٦ _ شنو مفهوم الحرية بالنسبة الج ، و لوين تنتهي حريتج ؟
الحرية إنّي اگدر أكول رأيي او اتصرف أو انقد احد دون خوف من سُلطة او من مجموعة معينة
ألبس دون ما تستلمني سيوف الناس ( ألسنتهم ) بالكلام والتجريح
هواي عندي كلام عن هلموضوع بس مابيه حيل اكتب .
حدود حريتي تقف عند أذية الآخرين ..
٧ _ احس ماعندج حياة خارج النت و الدرر هو كل عالمج بمعنى ماعندج صديقات ما عندج اختلاط ماعندج شيء يستحق ان ياخذ من وقتج المخصص للدرر ، ما اعرف اذا كلامي بي بعض الصواب ؟
حياتي برا الدرر ماذكرها داخل الدرر ، ف يُخيل ألك هلشي
٨ _ انتِ و اية من اجمل العقليات المتفتحة بالدرر و اني كلش معجب بـ افكاركم مع التحفظ على بعض منها لكن بالمجمل اني من فانزاتكم ^_* ، ليش دائماً اسمع مع الاعضاء من اذكرلهم هل حجي يستغربون و يعتقدون احنه اعداء ، بصراحة ما لاگي تبرير ممكن تفكرين ويايه بصوت عالي ليش هيج همه شايفينه ؟
يمكن لإن اني وءية نشاقى وياك شقى ثگيل ف عبالهم أحنه نكرهك 
٩ _ اشوفج صدامية جداً مع بعض الاعضاء لدرجة الاستهزاء بـ افكارهم احياناً وما تجاملين ابداً ، ما تشوفين هذا الشيء راح يتعبج بحياتج ؟
أذا هوه يجي يمدح لي بقاتل لو يعتنق فكر وهابي داعشي لو يعتبر رمزيات البنات السافرة( بلا حجاب) عيب او حرام ، شتريد مني ؟ اصفگ اله واكله برافو؟ طبعاً رح انقده نقد ساخر هم ، ولاذع ... عل وعسى يخرج من القاع إلي بيه ... لا ما رح يتعبني .. بالعكس يريح نفسيتي .
١٠ _ اخير سؤال يحتاج شوية تعب منج لان اعرف هذا السؤال راح يبحثون عنه اصدقائج حتى يعرفون شحجيتي عنهم
ما راح افرض عليج اسماء ، راح اتركلج حرية اختيار ٢٥ اسم درري ، صديق او معرفة ، اثر بيج ، انعجبتي بشخصيته ، كرهتيه ، انصدمتي بي ، اي شيء تحبين تحجيه الج الحرية شرط لا يقل الكلام عن سطرين ما نريد كلمات مختصرة ^_* ؟
حييل يرادلي خلگ للتفكير بهسؤال وخلگ للكتابة
اوك نبدي ب عمو العراب احبك هوايه ٢٥ مرة بكد ألاسماء المابيه حيل اذكرها
هاني ... التلي ماتك ضاع مني ف مدارسلك عليه ..اسفة
مصطفى العراب': اطلبك بعزيمة بكوفي من العام ، ولحد الان وكلشي ماكو
جنات : ليش مختفية عود 
غاغا : بقيّ هذا اسمج ،بيه انوثة اكثر من الي بيه
تراتيل : احبج 
زيتو : أبقى بيور مثل ماعرفتك ( هوه دا الانكليزي)
وسيم محمد: الأرض والسماء يستحيل يلتقيان .. آسفة .
سورين :تغيرتي هوايه ..
أنسان ثاني': ما اهضمك لا اني ولا غاغا
كرار: مس يو كلش .
وسام ،انيق صديقي من الداخل والخارج
جيكي : صبّر الله قلبك
رحيل ، معجبة بيج
وبس بعد ما بالي احد 
وماقصرت وماختصرت
رد مع اقتباس
شو ماعندك اشتراكات هناك
