هنا

[فقار الكرخي]

طيف اوداع
والميت جكاره تشربه شفة الكاع
والضحكه وكت تاليها حفره وكاع
تانيتك ربيع وغيم
وشفايف ندى أعله زلوف للنعناع
حبيتك أمرايه وعين
وفرزنتك مشابك حضن ماي وطين
كافي النهر يصعد والسمه تبدي
وكافي غيومك من أسطوحنه تعدي
ماعدي
ماعدي وعفتهم والرفاكه أشكال
وجفوفي أعله ملكه اليستحي تجدي
من راحوا تغير كل طبع بالكاع
السمه مثلومه مدري الهوه اليندي
وكتله أنسى المرايه النست ترسمنه
وكتله المطر يمحي ألي تفركنه
وخل نعرك بدال الغيم
ذاك الغيم
المازخ من توادعنه
ولادمعت عينه وكام يعبرنه
شيصبرنه
كحلنه الجفه والقهر ديرمنه
خمينه المرايه وصورتك شفنه
وضمينه المرايه وصورتك شفنه
وجسينه مجانك بس برد لحنه
يشوفة صورتك محنه
وتشابكنه وتبلل متنك ومتني
بمجان أسود بقينه الهندس أبلا صوت
أثاري عيونك مغمضه وأثاري الطيف ماخذنه
من بعيد وظفرنه أرموشنه برمشك
وتسالمنه ويه جف بابك
عرفنه وغشمت روحك
ندهتك ياضوه أشبكنه فجر غبشه
نطه ظهره سواد الليل وتلكه الصبح حركه
وشبك ذيج السمه حدماصحينه وصبحت زركه
لجن عيب الضوه ملها وكت الغروب
وبدت بيبانها تزنجر بذاك الصوب
وتفك للظلام البوب
ويجي ليلك
وأرد أحلم
ومدري شلون طيفك من يجي ملثم








مصطفى الاميري

[سمراء من قوم عيسى]

عاشت ايدك

[زيـــد عــلي]

اختيار مميز اخوية الغالي

[فقار الكرخي]

منورين