هنا

[فقار الكرخي]

بساطتنه
علی المامن و لا کلشي
گعدنه ابغرفة الموال و التمینه لمت هیل
مشطنه قصایدنه وطشیناهن اعله اللیل
قنادیل و اکید الظلمه تکرهنه

منایر من ثلج برواحنه و لشمس اذنه
تعب الدنیه بینه تشوف بس نضحک و لاچنه
ورا کل سالفه البینه سوالف ناس
وتراب و عطش نهران

ورا کل چلمه بینه انسان
مدري اشبینه مانرتاح اذا نرتاح
ولو بینه گفل معیوب، نرسم عالسمه مفتاح
ضیم الناس جمره ابعب ضمایرنه

تحملنه حچی وادم فکرهه اگواش و اتذمنه
دفنه حروفنه ابگیعان عطشانه اعله حفنة نور
و سنابل ضوه خضرنه
المو فلاح مایدری اشنرید نگول
الما عاشر غصن زیتون یفهم بس حچی العاگول






سيد سعيد

[سمراء من قوم عيسى]

أنتقاء جميل

[زيـــد عــلي]

اي والله مدري شبينه ما نرتاح

عاشت ايدك

[فقار الكرخي]

نورتو