لاعريان....
ريض موش وكتك ياچبير الشان.
.
لاعريان..
بعد بيك أشكثر ياحسچة الوجدان..
لاعريان..
يبن (العاصيات) المالواه إعنان
لاعريان… .
تلگيت المنايا أبطگة الزردوم
مو وكت الرخا يواريك بية دفان
(صفنة گنبرة بوحشة مسية أگبور)
من عگبك شعرنه وماخذ الريجان
(برد دم القصيدة ولاذت بسدي)
بياسد عگب شخصك يطلعلها ألسان
لاعريان…
(يالمبشر ممحلة الروح غيمك عزت أمطاره)
چي (دثت) يدگ الموت ألك بيبان
لاعريان..
(تدريني هرش وأوجرت بية الگاع)
ماي وچني أشربك أحس شعرك چان
(ياحسبة عمر خاويتها من إصباي)
وأحس كل ذكرياتي أتهدملها أركان
لاعريان…
حيل بعازتك تدري الشعر مگرود
(ولاذيچ المضايف عاشگة الديوان)
لاعريان…
شكتب وأنته جمله أختصرت الأجيال
كل عمر العراق الفرح والأحزان…
لاعريان…
رد مع اقتباس
