هنا

[فقار الكرخي]

انه اول جرح يحله إعله
الملوحه..
انه اكثر بشر مامفتهم روحه
اضيع ومااندل ويني..
اتيه ابين كتريني..
اعله كل صواب ارهم دم..
اليضحك چذب يكبر بعين
الهم..
تفهه السالفه من تطول..
ويطفه الثار من ينضم
الخريف المايجي بوكته
يذبني اخضر..
غشيم السولف جروحه
الجرح من ينحچه يكبر..
اللوعه الماتحسها الناس تلگاها
برسايلنا..
هسه افهمت شنهي الشوگ
وعرفت المو حبيبه وياه من يضحك
يجاملنا..
يذبحني خريف الياس..
چثيره سوالفي وي الكاس
عشنا بچذب المرايات
من مات الصدگ بالناس..
شكثر ضاحك چذب سني
انه المحد فهم وني..
المايحضه بحبيبه يلوب ويغني
اطرب عالنعاوي هواي..
اضن مدفون سري بناي..
طشوك اعله ياهو الچان
شمعنى استكثروك وياي؟







م

[صفاء العامري]

الله يارائع

[سمراء من قوم عيسى]

شكرا ع النقل المميز

[زيـــد عــلي]

الله جميل للغاية .. احسنت الاختيار

[فقار الكرخي]

نورتو الموضوع