بــوس العــرف ݘــذاب
مســـامــح مــن گلــب يلهــث
علــه المامـــش خلــص عـمــره
مســامــح مــن جفــن وشــل
بݘـــه عـــيونه وخلــص عـــذره
شـــلك بيــه
انــه الميـــل الـــ حــضه بمــوعــد
وضــل غــافي وتعــده وفـــات
وانــه البــير الحـــݘه اســــراره
وطــم روحــه عله روحـــه ومــات
طفــه ڪلش حݘــي عــيونــي
الــ يســولفــني اعله نجــم سهــيل
طــــفه وروحــي الفــلا تهـــده
نكــث بيــها وجــزاها الحيـــل
يمــا تــدري و لاتـــدري
حتــى اللــيل اذا يغـــفه
يشــگ صــدره الحــزن بــ الليـــل
انــه المــديـون للـــدمعــه الـ تبݘــيني
وانــه المـــديــون للشــفه الـ تحـݘيـني
محــد گــال مايصــلح
هــونݘ بــ الــدمــع ياعيــن
ومحــد شـــافت عــيونه
الگــصب ســيف عله خصــر الطــين
يــ متعـــوب الحــلم حلمـــک
لݘــن وين الــ يلمــك گاع
يمتـــعوب الحــلم صــبير
حــرام يســولفك نـــعـناع
شــلك بـــيه....."!?
انــه المڪــتوبلي مـن الله
اســافر والســفر يعگــوب
اســافر
والذنــب ذنــبي
عمــر بديتــه حــدر البـــوب
ويــن ادري
الحــزن مــرغــوب
ويــن ادري الذنــب
يهــوه الــ يريد يــتوب
ياهــو لســولف لحــزنـي
ياهــو الدله عـــنواني
واجـه مغبــش يڪــضلي الباب
ياهــو الگــال للضــلمه
تنگــط والسنــين اتــراب
ثاري العــمر ياروحــي
مثــل بــوس العــرف ݘــذاب
ولك ياعمــري ويـن تــريد
دلينــي اعله سݘــه وفــوت
مثــل شــح الخــجل بــ الناس
ولك شــح اعله صــدري الصــوت
حــزن مــو يونس بروحــي
شلــه وياي ولحگــني الحــوت
ݘا ياگلــبي المــن ضــال
دورلك خــرابه ومــوت
محمد الناجح
رد مع اقتباس
