هذا حاله المالگه جيم لسؤاله
أمس دورت عله روحي بكل مكان
ومالگيت الها اثر
وحته بدروب المشيت وياك بيها
وبلاخص سچة عشگنه الچانت العارض على درب السفر
المهم ضاعت عليه
روحي الچانت اليه
وانگطع حبل الموده وصارت الچلمات خرسه
وما وسع حضن الرساله.......
لأن چانت بيهه كلمه... لفتة الشاعر خياله
وهذا حاله ... هذا حاله المالگه جيم لسؤاله
الباگ من صفحة جنوبه وقدم الصفحة شماله
الخيط اچفوفه عله وجهه ونام صاحي
القبل يرهم گاع لحلوگ المساحي
وانه ادري ...انه ادري ينفذ شما طال صبري
جدمك الداس عله شوگي لازم يدوس عله گدري
چانت اللهفه عله مودك بل ضبط اهنانه تجري
وين اصدك ؟؟؟
بين جرفين الجرح تلگه مكانك
بين عيني ودمعتي تلگه خيالك
كلشي مالك
احسب أشضل بيه مالك
صحتي وايامي كلهه
وفرحتي كلهن حلالك
وأدري مامر عله بالك
أدري مامر عله بالك بس اريد اندل مكاني
وين اني ؟؟ وين اني ؟؟
لوصدگ احنه افترگنه
وماكو رجعه
باقي الك بعيوني دمعه
مستعز حته بلمستك
حته بچتاف القميص الهسه محتفضه بكحلتك
لأن چانت بيهه ذكرى
فترة البيهه عرفتك
علي مريوه
رد مع اقتباس
