هنا

[فقار الكرخي]

لا ترحين .
يبنيه الجفه مو ثوب المعرسين..
يحليوه الضلام اهواي..
خل نتناوش اويه بليس.
الفجر مسرع يبت الناس شمتانين..
ضميني بدفو ازياكج انه ميتم دفو وبردان....
يصاحبتي الينام الليل لابس ثوبه نص اردان..
شحلات العاشگه من اتحل جدايلهه..
شحلات العگده من تصعب تجي محبوبتي تفلهه..
ذكرتج والعشگ فد نوب يطشر بعافيتي..
شمس ربج يبعد الحيل ما گربت يم بيتي
اشتم ريحتج واغفه اعلى طاري افيش
والف روحي واخلي ال اخ تتسابگ..
جا هوه شحلات الليل من يخلص بلمشابگ...
يبت روحي العمر منذور
سهري وحيرتي وداعيج فدوه يروح لعيونج..
يكمره الوان هاي الناس محد بيهم بلونج.
لفيني بكرب زلفج ضفيرة ليل..
وفليني بنده جفوفج.
ولاگيني بحلم محبوب..
يبنيه الهوى طيوفج..
..بلكي اغفه اعلى بستانج.
هوه اليمج وما ضاگ
مثل الكاشخ وحافي.
اباوع كل زلف مرني بوجه ملهوف.
بلكي ولنهه ترچيتچ...
وارد امشي بضهر محني.
واشوف الناس كلمن معتني لبيته...
وانه متعني حد بيتج.
مدري شمالني بلياج.
عضم ريس يمرني الماي..
من كد ما سره بروحي.هوى الدخان.
اليگابلني ايعرف مگفاي..
شحجيلج يلمضيعتني.رديني.
تراه الليل شد رايه..اعلى عافيتي.
ولو هوه النهار انباگ..بس يدنالي.اذا اجيتي..







حسن وصفي

[سمراء من قوم عيسى]