هنا

[سمراء من قوم عيسى]

هايل كسر اجناح مني اشتحصلون
وزغاري ضلو غاد بل عش ينطرون



.للگومه ماضل حيل رجليه رگدن
ولو كمت مابياش للكاع اردن



متعجب نته الشيب بين بالزلوف
شيبي انه دج العين واثر عالشوف



انه الجنت مانام لمن ينامون
تاليهه بيه أگبال شماتي يطون



دبرلي حل لليل برد الشته ايعيل
ب 12 حته الميل هم يشبگ الميل



غايب واضل اتناك ميت واعذرك
ماتمر كلي اشبيك حيرني امرك





وين الله هسه وكون تتحسر وياي
يمكن شلع للعيد ماتشرب الماي




تدري شكثر مهضوم بغيابك انته
هضمت صدر ديوان منهوبه بته




الكلب مابيه صوج صوج العكل هام
طب بحقل ياناس مزروعه بلغام





اسمع صريج أسنون و مطاگك أرحي
يمكن خلص مفعول ملحي وي ربعي




طبع النسر معروف يضل عالي شانه
ما يحط يم غربان يندل مكانه




الخان الملح وياك بالك تماشيه
لو ينطي لحم اجلا هم لا تثق بيه



كل مرض بيه يزول لو هيه يمي
تعادل الف دكتور بس شيلة امي




عاشرته مو يومين ١٤ عام
من زعل ذاك اليؤم طشرهن وكام

[فقار الكرخي]

عاشت ايدج

[Hev ']

عاشت ايدچ… حلوات

[الشاعر اسماعيل القريشي]

متعجب نته الشيب بين بالزلوف
شيبي انه دج العين واثر عالشوف
هذا جوابي
شيب العيون ايهون بس شيب الكلوب
لا اسمع ولا اشوف تايه بالدروب
​تحياتي الخالصة وعاشت الايادي

[سمراء من قوم عيسى]

عاشت ايدج

وايدك يالغالي نورت

عاشت ايدچ… حلوات

نورتي حبي

متعجب نته الشيب بين بالزلوف
شيبي انه دج العين واثر عالشوف
هذا جوابي
شيب العيون ايهون بس شيب الكلوب
لا اسمع ولا اشوف تايه بالدروب
​تحياتي الخالصة وعاشت الايادي

الله عليك
عشت