كاسمت الصور وياج والشيب
كاسمت الصور وياج والشيب
وأمس وكت البجي كاسمنه لاردان
لوشايف محنه وطيب وياج
جا ماكظة هاي المده بردان
صورج جانت اعثوك الحياطين
بغرفتي وجان كلشي اعليج حزنان
طفل مايفتهم تعب المراجيح
ويضحكن من يشوفن وجه فرحان
شبكتي وخبزتي من ظهر تنور
بحيث بلهفتي اتلكاااج دخان
ولج فوك الخفيفه الجوه الثكال
ترى ماي النهر مرات ميزان
ترف جن طيف امرج وانتي تدرين
بحيث من ارد أمر ماكلف انسان
ترى بيدي النهر سبحه النواعير
ذا كعدت بخت وشيوخ نهران
ولأجنه الفرح من عدج وبيج
وانه شكد كضيت ايامي بحزان
المي مثل النخل هم ينصعد كون
ولو كبر النهر ب الجسر ينهان
مالومج وكولن قشمرج ثوب
كبل بعتيني انتي بكل الألوان
كبل يم حيلي تتجه الحياطين
هسه وداعتج حتى اسمي ذبلان
افتهمت الغربه من يمج تصاوير
ي هنياله الزرع للغربه بيبان
أخجل مادوس الطين مرات
احسبهه عدل كل طينه انسان
احمد العقابي
رد مع اقتباس
