... ( حب من اول طاري ) !
مقدمة :
تتميز كل منطقة من مناطق وطننا الغالي بلهجة غير .. << !!
وكل لهجة .. فيها عبارات مفهومه .. وعبارات مستنكرة !! وعبارات مالها داعي أبد .. بس وش نقول ؟ ( لله في ذلك حكمه ) !!
لكن مع العولمة .. والفضااااوة صارو كل الناس تقريباً يعرفون هرج بعض .. ومرتن توحي وحدة تحكي على انها من اهل بغداد وهي لو تعدى تفتيش طريقالسريع ضاعت علومها .
واخيرا وليس أخراً .. ممكن تصادف شباب يحكون " مكس "
. تجي منه قواااااااالع )
موضوعي اليوم .. بيكون حول اللهجة وحواليها ..!
الموضوع:
دار حديث بيني وبين إحدى البنات في منطقة (بغداد) بالتحديد !!
وسألتها عن حالها .. وعن الأهل والأصدقاء ؟
ومسكت خط .. فلان قال .. وفلانه سوّت .. وفلان طيب .. وفلان بطاااااااال<< يازين بعض هرج أهل بغداد .. شوفو كلمة ( بطّال ) وش زينها .. تحس انها مهيب سبّه من زين وقعها على طبلة الأذن !
وفي خضّم سوالفها جابت طاري ( صاحباتها في العمل ) قلت عندك احد منهن والا جالسة الحالك ؟
قالت : احنا قاعدين سواا .. وعلى فكرة لا تفكر كتير فيهم انا عارفه ان عينك زايغة وتبغى تتجوز مره .. أصل وحده مخطوبة !! والتاانية لساااا !
التاااااااانية لسااااا !!
على طول .. ارسلت رسالة من مخي لقلبي .. ان صاحبتها حلوة ودلوعه ومتلففه في شرشف ابيض مثل ذيك اللبنانية ( أليسا ) !!
ومن الحب ما قتل ...
على طول برمجة ( لسااا ) على انها حبيبتي !
تخيلت ان عمرها عشرين سنه في عز شبابها وصدرها كله حنان وشمووخ
انا ما صبرت .. كعيت بحبّي لذا البنت اللي تسولف وقلت : تراي حبيت ( لساااا ) واريدك تعرفيني عليها !
قالت صديقتي البغدادية : مين .. لساااا .. هادي ؟؟شف كيد الحريم ... الحين جايبتن اسمها و اسم ابوها ( هادي ) وتستهبل وتقول مين؟!!
ما أحتريتها تشرح لي وجهة نظرها .. وقلت بكل ثقة اني انسان مرهف الحس ( يعني على الريحه ) وجاز لي اسم صديقتك ( لساااا ) وبما انها ما بعد انخطبت ولا ارتبطت .. ياليت لو تعرفيني عليها ... وعلى قولتكم يا أهل بغداد ( يا بخت من جمع راسين بالحلال ) !
البنت .. فطست ضحك .. وقامت تشااهق .. وتقول : يا ويلي منووووووو .. هدااااا ... مجنوووووووووون !!
عاد انا من زود الثقة .. عقبّت على تصريحها .. وقلت : في التاريخ مجنون ليلى .. وهنا في بغداد انا ( مجنون لسااا )
انا قلت ذا الحكي.. يوم انبطحت ضحك .. ورفعت صوتها عشان البنات يسمعون كلامها .. ياي .. البدوي .. حبّك بدون مقدمات با بت !<<
وعقب ما قضت ضاحكة ..
سمعتها تقول : تعالي شوفي الهناء اللي انا فيه .. انا قاعده أهرّج عن حكاوي الناس .. وهو طايح حووب .. جاه بلالالاء في شكلووو !!
انا يوم شفتها تبرطم .. وتجيب طاري البلاء دريت انها بدت تغار من ( لساااا ) !!
انا مابغيت أخسر صديقتي .. خاصة انها ما بعد عرفتني على حبيبتي ( لسااا ) !!
و انا ما ابي اخسركم كأعضاء في الدرر .. عشان كذا ماني مكمّل سالفتي ولا معلمكم وش قالت لي ذا البغدادية ( عليها من الله ما تستحق ) من كلمات استهزاء وشتم ( شي أعرفه وشي ما اعرفه )
نهاية الموضوع ..
لكل منطقة لهجة .. وفي كل لهجة جوانب ابداع وجاذبية .. وجوانب قصور وتنفير .. ولكنها تبقى تحت مظلة وطننا الغالي .. ونكهة خاصة تتيح لنا فرصة للتميلح في بعض الأحيان في جو من الروحانية << الله يحلل ختام الغراوي اذا توهقت ولا عرفت تختم برنامجها !انتهى !
رد مع اقتباس
المشاركة الأصلية كتبت بواسطة نـايـا
