هنا

[فقار الكرخي]

تصب عيني ودغل يطلع عصبهه
اريولي من حدر كضت عصبهه
مره وذبت على معتبر عصبهه
هيج انذب خبر فركاك إليه

وحك الي اعله خيته ضام ويهاي
بعد عصره لديلي ظيم ويهي
يرضه اعله بزري ظام ويهي
التذل ماكو لبطنهم خبز بيه

نويت اخذ كبل لاموت رايال
الكبر والموت اجه برجلي رايال
يمن حبلت مريم دون ريال
دخيلك ماتحبل الفري بيه

وعلي جا مانمت بالچول لاحاض
بيكم واليصدلي ميت لاحاض
اله معنه كطعكم هاذ لاحض
ردي وخلاكم تكطعون بيه

يلو ليلك بطول البر لهيمه
ركض والمثلي من يوصل لهيمه
بغيابك هيمه تكطفني لهيمه
البدو أكثر من هلي ايعرفون بيه

مشو وربع جهات الموت حطناي
وصحتهم وعله جرحي ترس حطناي
يسايج نوكهم
يحادي اضعونهم عاكول حطني
درب وتيوع نوك الكطع البيه

اتدري اشصار من وجهك درعناي
اشكثر عانيت بس محد درعناي
الدرع بلعوم عبد الله درعني
الا من زينب التحتار بيه

يجمره ادوي بكصب روحي وهفيج
وصرخي لريحهم لومر وهفيج
ادور بلخله اعليهم وهفيج
لما نيشنو حد للكاع بيه

اشتتريه امنلخضر عود يدواي
دورتك عمر من دون يدواي
مريض ومو وكتهه اتضيع يدواي
المرض بليوم يمشي اذراع بيه

تحن ياكلبي أو مغسل لهلحان
اتعزف لكلوب ماتلكه لهلحان
ومحمد عجبه ماميت
مدري شلون ماميت لهلحان
مغز ابره عدل ماضال بيه






مرتضى العكيلي

[روجـيـنـا ♡]

حلووات

يسلموو فقار