هنا

[سمراء من قوم عيسى]

چم ليل سيَّر
وانه اعد
بيبان تنطر عالبعد
وعيون تنطر صبحه
وانته الترافه البالسواجي تفيض
معذور احترگ
خاف اشتهيك وتصحه
خاف انسه عمري وياك يا صرَّة حزن بالروح
تنطر فرحه
خاف انسه عينك
وانته دمعك سِبحه
واقراك ناي
وتنطفي شموعك ملامة بعيني
يالتشتهي
السنبل جمر بالروح
شيطفيني؟
خليني
لو حفنة جمر
لو ماي
لو بيدر دِخِن
يم حزنك تخليني
واغفه
وتصحّيني
وارد اغفه
وترد زلوفك تصحّيني
بهدااااااي
ما بيّاش المّ محمداوي بعينك يناغيني


لـ عامر عاصي

[زيـــد عــلي]

حلوة هاي القصيدة .. شكرا ع الاختيار

[فقار الكرخي]

عاشت الايادي

[ايليتا]

اوف توجع... شكرا لجمالك سمرايه