الجرح مريود للشايل مثل هجرك
تيممتك سوالف خوف
وصليتك گمر ينزف ع متون المناير ماي
وتداينتك نفس مصلوب
من وادم كله بيهة السموم سنين
ماشافت سراب فياي
سبحان شكثر باراك رب الدين
بدة شموسنة بنحرك
هيبت مستحة اتلگاك يالبيك الترف شطين
باهلت الفلح والگاع ماشتلو مثل صبرك
تسيورت ضمة ع النوك
سير ياشريج الهيل
تلكاني نعش متعوب
مر جم برزخ بروحي ولا مريت
يالغذيتلك عمرين
غير الماعرفهن وين
عدمن صارن لياشيب
يالهجرك سهر مغبون
غث الليل والحسرة
يابلسم كل صبر مطعون مر بيه شتال عيون اخضرلك دمع تواب
حطني بكل عزة يوازيك
اساجي الفاجدات عيون
اميز بنصهن حيف
يالمالك عرف بالماي دخانك وصل للطيف
شمتو بالگمر بجفاك حجي الوادم حجر سجيل
وجفوفي نخل ثوار وعيوني ضعن ممحل
وين الكالي رية كاع منتجية ع حفنة زلوف
وكول هنا وطن روحي
بس اقنت مسامر ليل
واغبشلك مطر بي طعم ماي وجوه
واصحالك سمار خدود
مر بية الزعل شفتين
واضحكلي ضهر مطعون
اغني شموس الولاية عرس ملجوم
وجذب سوالف اهل الريل
وغازل كل كمر ماطخ جبينه الماي
بس يضحك ضوة لجبريل اشهكلة صلاة بليس وعزفلة لحن تفاح
واجيبة لحضرتك مكيود
وانت اغفو ع كيفك طين
متسودن ضوة لملكاك
يالرموشك مناوب ليل
برد حيلةالحمدانيريك
يندل بالضنون يعيل
انة مغيم سهر وفياي
اريد امطرلك جفوني
دفو عيوني
بلكي ارهم عتب لشفاك
لبيهن مدري جم زمزم تبدة وذاب
مرني بكل جرح يرضيك
نجمة ليش ماتلكة بـ سمة روحي
تمر بية الجرح مريود للشايل مثل هجرك
حيدر الحمداني
رد مع اقتباس
