يا مِعِبار
………… .،.
يهدني الروج…
وتّبده إعله راگك ماي
وأشم طينك نفس نعناع
يترسني ويطشني أفيش
وتّهافت عليك أحروز
كلما اروز
اهيسنك…
أهيسنك تِنثني افياي
وأتّكوم عليك إعلوگ
وشمنّ كل هوه وشباچ
منك شمت المخنوگ
يمّ كل طود هيبه الگاك
يمّ كل گصبه خِصر الگاك
يمّ كل زفه للزيتون
تتّطشر نِده إحچاياك
يمن يرعاك
اي يرعاك كل عصفور
يمن تِدناك… ..
كل شمة زلف مَخمور
تتّهندم ابروحك ناس
يا چلاب كل شيله
يمن ما رافگت عاگول
يا مَجبول…
بالحِنّه…
وشكو طولة گصيبه ايّغار
وشكو گذله… .
وتمر يمك يوجها النار
يا مِعبار كل عِفه
يا صگار كل وسفه
يا شيالها الكلفه
السچچ لو بالغفل مريت
تِسوي اسنين الك زفه
فارس الشباني
رد مع اقتباس
