ياعلي الكالوا نشبهك قسمونا
ياهو يندلك علي بيا عش حمام
ياضمير الله الحرير بكثر ما خشنات اديك
يا حزام لكل ظهر ما شال روحه
وشكثر متعوب مابين عليك
كلبك يجمل المحنه ويهدي للمحتام طيف
وصوتك يكبع الهلا حديثة ويزفها بوجه كلمن جاي يم اهل الله ضيف
وجهك مراية محمد
واسمك (اسم الله) اعله كيف
انت جمهورية الحب
والتسامح والسلام
دولتك مو عنصرية
والعفو لوادمها عام
سيف بجفوف الشعوب
وما صرت سيف النظام
يا امير الرازقي الكل عاشك يشمه اعله رايه
علي يادورة كحل عين النثايا
انت سكته صبر بصدور الزلم
وخبز حار يطوف ببطون اليتامى
فاهية خدود القرائين النست تتوسم من اسمك حسنها
ياعلي شما يحلى وجه الله اشتهيك بخده شامة
وياعلى شما يعلى روج الخوف طاريك متاع
شما غركت الكاك نجادة سلامة
ياعلي الكالوا نشبهك قسمونا
ياعلي البسوا هدومك فجرونا
ياعلي الشالوا هويتك خوفونا
وانه اعرفنك حنين
بثلمة الفقار ناصب عش حمامة
عقيل العرد
رد مع اقتباس
