حسرتي اليومية؟ منك
بس اگلك
حسرتي اليومية؟ منك
والجگارة الماطفت لحظات؟ منك
والدموع التجوي خدي
بكل مسية؟ اطيح منك
كلشي منك
عيوني من ماتغفه؟ منك
الليل من مايگضي؟ منك
الشيب من يعدي المراية
من امشط شعري؟ منك
من يغطيني القلق والخوف
وجفوفي تعصر جفوفي؟ ! منك
من اتيه بشارع ومادري المن؟ هاي منك
من يصيحوني البگربي
وما ارد لصواتهم؟ هالصفنة منك
من يصير العرف بعيوني غريب؟
التيّه منك
من اشوف انا النهر بذات
وجروفه وحيدة؟ الغربة منك
من تصير النار ثلث اوكات بين ضلوعي؟ منك
وانا من بين الضباب الطايح ع اكتاري كلها؟
انا منك
الحسافة؟ انا منك....
أزهر كريم
رد مع اقتباس
