هنا

[فقار الكرخي]

شجاك !!!
اتكدّر اجروفي بزعل وهواس ؟
تزعلني
ويظل بالي عليك وتخدر الصفنات

واكَول آنسى واطيح امن ايدي واتبده ..
ورفيف الشوگ ساعه أمعلكَه أبكَلبي
تدك :لا لا .

تكَلي هنا يهالعاشگ ولك لا لا
لا يوكَف كَلب بستان شوگ
وتدمع البسمات

كَلب بستان
بعد بيْه من امس كَضبة خضار وماي
بعد بيْه للسوالف كسره من افياي

فَيْ أيفزز الميتين
فَيْ اخضر ورگ مامات
خاطيته الشمس ، ما مات

رفيف آمسودن آبكَلبي يدك : لا لا
وأعرگ مستحه وأصحه وأكظ روحي
ادنج خيط كَمريه ولم روحي ،

واجيك امغبّش ،
مندّه بعرگ كَصتي ،
وأطيح أكَبالك أمرايات





عبد الكريم القصاب

[عٍآزفَہ آلُنآيَ]

ردت طيفك بيوم يلوح.. مالح
وطعم فركاك صار هواي.. مالح
بعد ما ادز رسالة وبعد.. مالح
لان كلما ادز مترد عليه..

[سمراء من قوم عيسى]

رائع
عاشت الايادي