هنا

[سمراء من قوم عيسى]

مسافر والحزن بيه

ولا صح بالمحطه انسان يفهمني ويغنيلي

ولا صح بالسفر واحد يشد عيني ويدليني

شلت همي

وطحت با اخر رساله انكتبت بجفها

طحت با اخر قصيدة انكتبت من الروح

ودموعي حبر جانن

تمشينه انه وروحي ولكينه الليل يعرفنه

لكينه النجمه من تشتاك تعزفنه

لحن غربه

وتوصلنه دفو لكل كاس ما غنه

توصلنه

ونرد ننسى البجو بينه حلم عابر

نرد نلكه القصيدة فراش للشاعر

يلم بيها حزن كلبه ودفو الوادم

وسهر نجمه خذاها الليل فصليه

نرد نلكه اليظم حزنه يطيح بعين البنيه

وتشيله اجفوفها من يحب

انه وروحي تعبنه هواي

والوادم شرتنه متاع

انه وروحي بجينه هواي

من شفنه

اليفز حلمه تكتله الناس

من شفنه الرسم روحه بسمار اجفوفهم ينداس

من شفنه اليطش روحه برخص ينباس

تميزنه بقصايدنه

وكتبنه جروحنه بذمه

كتبنه الليل يطلبنه وقريناله

كتبنه اليعرف الشاعر يغنيله وبجيناله

انه وجرحي وسمار الناس واليعشك بجيناله



سلوان عدنان

[ضياء المالكي]

الله الله .. جميل

[فقار الكرخي]

عاشت ايدج سمراء
قصيدة روعه

[ليليث ']

الله