انا المحتام گلبه يضوگ طعم الدم
گضة يرف بهوى الشمام
وبمرز الغوة اتشيم
دخذ حيلك يشوگ الشَم
ربيت ولا صبح يالشوف مرّني ومالگاني احلم
واغفّي بفيّ خيالي سنين
عرسي بعرس المعرسين
واتلمني الهلاهل لَم
انا ولعب الفخاتي وعش البريسم
واذَوب ويالنفس روحي
بحلمها بروجة الديرم
لمن تلها وصَحت بيَّ
اعلى دنيا بدمعة المعتاز
ضحك المغتني يهوسن مخازيه
لَون تلها وصَحت بيَّ
اعلى دنيا العلــ صريفة تطيح
مزبلة القصر وتگول حنية
لمن تلها وصَحت بيَّ
اعلى دنيا تصوج المالوم
لو ذب ابوزه الصوح اعلى راعيه
لمن تلها وصَحت بيَّ
هبوب الما يزخ الديم
روحه بغير شرجية
شلعت من الثلج عمري
وشتلته بنار كسرية
اويرغ طگ الجتف هب ريح
حجيه وي الوكت بــ لسان سرگيه
وعگدت بدنيا المگرود
كل شعرة هدب عين المماشيه
وجسر صوتي المحاجيه
لمن يعلى اعلى هان الليل گمرية
وولو من كل عرس بي كيف، لا كل موتة مبجية
واهيّ الدنيا اعلى ما هيَ
من تطلع شمس دنياك
لــ اكتار المغربية
لچن ماطول اكو النا جروح
اكو اعلى الضيم حربية
ولو صيت النشامى يغيب
منخش ما غمض ضيه
يصيت الفرهد الدنيا بثاؤ الضي
شچاك اتفرهدت بيها وعشگت الفيّ
شچاك وعينك البرنو، غفى بعين الخسارة صبيّ
شچاك وشوف المكازر عليك اربيّ
ولا هو يمر حلم عرسك
نريح المن شمس زلفك شمسك يـــــ عشگ الفيّ
مهي الدنيا اعلى زلّة ويّ
عطش واملاهت العطشان
سورة بنص طواري المي
عطش وبشهگة العطشان موتة الكل نبض بي حي
يــ وانتَ السابگ سنينك مذب عمرين
حيف يسبگك البي صوج
و الممشاه احدي ابدي
عذر لو مو شعب حيلك
غدر لو ما غسل دنياك من عارك چمر ويلك
عذر لو بس هوى بلا نار تلگاها لمحاجيلك
غدر لو مر صبح بي شوف وتختله بستر ليلك
واحنا الخم جرحنا الموت مامش چلمة ادخيلك
لو نمت ابمحاري الخوف
ذب غمد المهابة وفَصلّ النفنوف
لسيوف المحاجي ابلا محاجي سيوف
شان اليحذر المنگود چفة ويـ اليشيمة اموذر وشاگوف
و بكسر الخزر بالضيم
هدبه يذب جمر مادگ لجدمه الشوف
ميت يالتذل ازحوف
ماضاگ الوكت من جدمك مرادح
واهيّ الدنيا وي المصايح
هوى بشبجة بصفير يفوت وي خيوطها امّازح
يمر غيمة الگمر مريود بس يمطر ضوة وما صح
تظن كسار عظمك لو جبر ينصح
تظن غير الجسارة اعلى الجسارة الّوح
صدگ شان الرماد رماد، لو عافه الهبوب اروح
لچن يا ذلة البارود لو له بنار ما يجدح
تغط بجروح كل ثاير الوگود الثار دم تطفح
تشلبه ابنهتة المضيوم ويــ السمة امصابح
وحگ امناطر المگرود راس براس
مگبل ربح المناطح
رد مع اقتباس
المشاركة الأصلية كتبت بواسطة عازفة الناي
