من تمر من يمي تزرع بيه ليش
وانه گاعد وي مناجل حاده
اطلب الدنيه واجيبنها واجيك
وانه غيرك ماكو واحد رايده
الهلا البشفاك مطره بلايه ماي
وروحي خيمه بصحره وصلا بايده
انه اريدن بس هلا بالحب قنوع
وبوسه من تطيني نعمه وزايده
لا تهفيلي بتعال انه ارد اموت
وللجنازه الريح مابي فايده
ولا تحضرلك عذر دلالي حار
وانته الاعذار البحلگك بارده
مره بستك بالصور سألوني ناس
اليوم شو مرتاح روحك راده
ماريد اليل اذا مو انته بي
وفوك من عيني انته طيفك شاده
دموعي ماطاحن ولا مره اعله شوك
بس عليك دموعي روجه وهاده
انه اندل بالعشك لا ما اضيع
لان وجهك لليضيع الجاده
خن اسد باب القصيده انه رد اعيش
وباب حبك لا تفكر ساده
رد مع اقتباس
