يا جيب اليحطنه أنطيح
ليل يسامر الدخان
وططوه اتصيح مذعوره
اجانه الموت..اجانه الموت
وعيون الكَمر معصوبه
والنجمات
تتنطر يجي السجان
البراءة ادور ابين الوجوه امجان
الرحمه ادور ابين السبايه مجان
ماظل بالزويه مجان !
تحودب ظهر نخلتنه
تصيح وين؟؟
يا ختله لبستكم ؟ ضيعتكم وين؟
وتباوع من الشباج
مامش غير
هوه يلعب ويه البيبان
واحنه بديرة المجهول
سوده الريح
قمصلة الوكت مشكَوكَه
يا جيب اليحطنه أنطيح
يصر سنه البرد
وخيامنه مشرعات
مره تروفهن ضحكه ونداوة ليل
مره الهوى يمزكهه وبذنها يصيح
واترجاك
وك يا غيم اترجاك
لا تحمل جرح يا غيم
وك الجروح وكحه لهسه
تتراكص على السجين
لا تنفض خلك يا غيم
فرط كَلاده ليلو بكاع
يبسهه القهر ،يا غيم
وك ماظل ورد ياغيم
نديم الالوسي
رد مع اقتباس
