سافر شما بيك و ابعد محد يحس بغربتك.
(ناس ضحكتهه بدمعتك)
وغني الغنية التسعدك
وافرح افرح
الناس ملهوفة أعلى حزنك
جيب روحك؟
لاتخليهه تبات أعلى السواجي
اليابسة المامرهه ماي..
ولا تواعد .
الصدفة أجمل من وعد.
ولو ردت ضحكة بحياتك.
روح لأول وجه شفتة
وروح لاخر وجه شفته
هناك لازم تلكة ضحكة ..
ضحكة من اول لقاء
والبعدهي الساتر الله.
عيش يومك..
أهمل اليل ونجومه
عشگ صادگ ماتحصل .
واليلومك لا تلومة.
هذا مامر بتجارب.
تريد؟
حب الناس كلهه.
لكن بوجه الحبيب الأول الي جاس گلبك.
.
الحگ الحگ
هنه چم يوم البقلك
عيش بيهن .
توضت أشكال الخناجر
وجاية تصلي أعلى نحرك.
لازم تسافر
سافر الروحك الكلبك
لاتروح الغير عالم.
هذا عالم .
كله دم
رد مع اقتباس
المشاركة الأصلية كتبت بواسطة فقار الكرخي
