ریحتمن بثوبک ماهي الک شکّیت
شابگمن چنت شو شفّتک صفره
و لمّه ابابکم بسلا ضمیرک مات
وتیتّم عشگنه و تجرح الفقره
اجیت بیاعذر کف موسم الشمات
کلمن خذه امراده وطاحت الحضره
جفني من السهر ضیّعت بي فانوس
ومن تنکت ارموشي اتطیحلک سهره
العایش بل حرگ من یحچي.یحچي ارماد
و الدارس ثلج مایفهم الجمره
یم عثگه السعف یضحک عله الصاعود
وتالیته النثایه تچیمه و تحگره
گفای وخنجرک دهن و دبس خوان
ملح بیناتهم و مطاعن وعشره
الیخنگه النهر نفخت طفل تحمی
بس شنهي النفخ للخنگته العبره؟؟
اشد رمش برمش و اتخیلک ویاي
و اغازل صفنتي ومدبّر الدبره
لایه.... استغفر الله من الله لایطیک
طرف الساني وصلت کلمت الغبره
بعد ماعاتبک بس بیه حس ارجوک
اخدودي امدلله و ماتحمل السطره
ربک عوضک ماگطع طحت ابناس..
...رادوني وردتهم و الجرن عبره
شلع حته الهوا چي بي شفت طرواک
نکتیته وعصرته وطاحت الذکره
من احچی بعشرتک بلساني اشم کافور
وبکلمت نساني مقسله و مصبره
شیل اجنازتک و اطلبلک السلوان
والباقي بحیاتک کفّت العشره
لشاعر الاحساس میثم الساری
رد مع اقتباس
