نار جفاج ونار الاهل من صفحه
اجت بعد الجفا اتكلي اشلون الحال والصحــه
اشماله وجهك امصوفر وين اخدودك المتفحه
انه بياحال شتشوفين يوميه الحزن يرسم على وجهي الف لوحــــه
اجذب لو كلتلج زين صبري الجنت ازامط بيه على راسي انهدم صرحه
انه بناريــــــــــن يفلانه نار جفاج ونار الاهل من صفحه
انه بياحــــــــــال ياحبيبه وكتي وياي سواها ابلا ملحه
كـــــــــــل عمري كظيته اجروح جرح ايلوج من جرحه
وكــــــــــــل عمري ندم وادموع وما مره شفت فرحه
وعمــــــــــري بصجـــمة الايـــام طير اتكسرت جنحه
وعمــــــري لدفتــر العلات طلسم وحــــــارو بشرحه
ولج عمري يبنــــت النــــــــــاس ليــل ومختنك صبحه
ولج عمــــري حلم مذبوح ومحــــــــــد امطالب بذبحه
انه بياحال يا حبيبه شحجيلج اخاف اتطول سالفتي
عمري اتعده الثلاثين بعد اني شلـــــــــــي بصحتي
من صغري وحصدني الضيم واتفرهــــد عنب سلتي
ومن عندي حمــــــــــــام الدوح اتعلــــم طبع ونتي
شوفي وين اني ووين انتـــــي وين اني ووين انتي
انه بجنتي وجوتني النــــار مو عجبه انجوي بجنتي
ولون عن ناري احجيــــــــلج واخافن تحترك شفتي
وحك الله شكو دكتور جزعت روحــــــــه من علتي
وكل اهل العشك والشوك ما سمعو مثل قصتـــي
ولج انه نهـر عطشان هم مثلي نهر شفتــــــــــــي
ويل رمشـــج يلاوي السيف كتلني ومثــــــل بجثتي
شلت منج قهر وسموم وانتي كلشي مني ماشلتي
انه بـــــــــرمح الغدر مطعون والنيشان خاصرتـــــــي
وزين اذكر الجتال ابـــــــــد ما تنســـــــــــــى ذاكرتي
بس الله كـــــــــريم اتهــــــــــــون شده وهاي بركبتي
الحياة امـــــــــي عبر ودروس تنطيني وهيه مدرستي
عرفت بيها الخــــــــــطا من الصح وانه بحـــكم تجربتي
م
رد مع اقتباس
