هنا

[فقار الكرخي]

يبو سوالف حنينه أستاهدك ضوگ
يالمگفاك حته لوجهك يلوگ

من چانت الوادم تحلم بگيض
بتوالي الغيم چفك يعصر الفوگ

من تشتد تضل تنفض توابيت
بس يم اليتيمه حچايتك طوگ

الخبز مستفحل بذاك الوكت چان
ويمر طاريك سفره . وتغفه الحلوگ

الضماير حاديه الليل وتماشيه
وزفيت الضوه لكل صبح مبيوگ

يبو الدنيا . وتواضع مال ابو تراب
علي اتدنگ سواجي وتوگف عثوگ

يخير ولايتك . يالكلش أفياي
الفقير اليدگ بابك تنده السوگ

يالعندك عرف بالحنطه والماي
الطيور بديرتك شدنلك علوگ

اليتيم ينام خوف . ويگعد ب آآآخ
وأنت تهب عوافي محمل النوگ

مشه بسچة چفوفك دمع الزغار
أمدثرهم حظن . وشكثر مشبوگ

يهيبه ومن تگوم أتگوم ألاجواد
أمنشباب المضيف أتطلع حگوك

يبو حسين شعلامه النخل وياك ؟
شو يشرب سمارك حد العروگ !؟

لذيذ لحد عليك البرحي يلتاف
وتزف أفيش لآخر باب مسروگ

يالمشذر الگاع بسجدتك ذيچ
طيفك عافيه لكل جفن مطبوگ






زين كريم

[سمراء من قوم عيسى]

رووعه
احسنت النشر

[نصرالدين البلداوي]

كلمات رائعة يسلمووو

[فقار الكرخي]

نورتو الموضوع

[ورقه توت]

رائع