هنا

[فقار الكرخي]

بالغربه جنت وحدك وماكو انت!
يشوفونك من الشبّاج..ممتد عالسرير ونايمه الدنيا
على ذراعك !
يصيحونك ومامش صوت
تطلع من ورى التاريخ وتعاين،
ولا واحد ترس كاعك !

تضحك والجنون يجيبك لراسك
وين الله ؟ ومنو يودّيك يم ناسك ؟!

وترد اتنام
وعيونك اتخليهن گبال الباب
خاف تفوت من ريتك نثايا تراب
وتصير الصلات اوكت ماعندك
منو الباگك وضوء وغسّل المحراب؟؟
منو الباك الاذان وصلّى بالجامع
من الصادر دروبك من جنت ضايع؟
لاتنشد
ترى يشنقون سالفتك

ضل ندمان !!
منوالباگ المياله التارسه الحيطان ؟
منو ايدّليك بالجبله
وعلى الساعه القديمه التشتعل نسيان!

منو الضيّع مواعيدك ودلّه ابليس؟!
منو البيهم طلع قدّيس ؟

بس انت وجنت مخمور يم باجر
متوسد شكو حجاية صدك باكر !!
اليبيع الناس مثل (فلان )موشاعر






وسآم سبآهي

[سمراء من قوم عيسى]

أنتقاء جميل