هنا

[فقار الكرخي]

يوصلني مـنك
كل عبير الـفاح يا قــداح جايبلي خبـر
ويغنـي عنك
ناي مـنك جاي لعيون المحـب ما عطله
شطـوط وبحـر ...
شفتك حلـم كل العمـر
يلوالمتني امـن الزغر
شوگـي الك لـيل وسهر
بيدر محـنه يا صبــر
_______
عاشگيـن احنه وهويـنه
ومـثل ما ردنه لـگينه
______
وشوگـهم
نسمـة جنـوب
وسيـرت لــ ٲهل الشـمال
______
انـت انــت
شـما تدور الـدنيه انــت
الـماي ما بـدل اوصـافه
يا طواريك بروحــي
مـثل نسمة صيف مليانـه ترافـه
_______
انـت خليـت السوالف طافحـه بروحـي قصايـد
وانت خليت الشفايـف بالغنه تصـوغ الـگلايد
_______
تـعال
عيوني وبلياك ما عـاود وســن ليها
تـعال
اشفافـي محتامات بهمـس اشـفاك ناغيـها
_______
غني روحـي
اللـيل لو جلـجل يطشره الصبح گـوه
غني شو شفـت الغنه امــن الصفنه اشــوه!!
_______
خليتني عظـم ووجـل واعضاي كلـهه امرضرضــه
مد وجـزر كل عشـرتك
يوم بزعـل
يوم برضـا
واشلـون ارد ..مگــرود
مـوش انه اطخ الضحـكتك مـثل العبد
_______
اشـگد ملامح بيك احـبها
وما حجيـت .
_______
حاسبينك مـثل رمش عيونـه
بعشرتك لينه
معاهديـنك
وانته كـل العمـر وايامـه وسنيـنه
_______
هلك والـعاذل يريدون
وانه وياك راده نريـد
وحجيي الـناس مرمرنـي
وخلاني گصيـر الٲيـد !
_______
ٲعوفـنه ..
ودليلي يگـطع الظنـه
واظل ارفـس رفيس الطيـر.. اديــن ازغار لزمـنه....!!
_______

يشـمام اشملذ ريحة سواجــيك





زامل سعيد فتاح

[سمراء من قوم عيسى]

عاشگيـن احنه وهويـنه
ومـثل ما ردنه لـگينه


الله الله

[فقار الكرخي]

منورة يالغالية