هنا

[فقار الكرخي]

كَطريت ابحلكَ عمرك مي شبابي الجِان صافي

وبجزيرة شوجِ كَلبي الخاطرك مشيته حافي..

شابكَت فكري وخيالك بالليالي..

وفززت تذكار غافي..

وثلجت عيني ابشتاك وما اجيت ابطيف دافي..

واني ثلث اسنين اتاني

اهجس ابروحي الصبر ياكل واكَله اشبع عوافي

غازلت طيف المحبه..

ركَصتلك بالدواوين الخضر كل القوافي..

واملت روحي ابوصالك..

كَلت يذكرني ويجيني..

واظن من ادموعي ترتاح الجِفافي

وقفلت بيبان سمعي..

ابوجه حجِي الناس والكَالوا يجافي..

جِذبتهم..

لجِن اني الجِذبت..من كَلت اعرفنه ويوافي

ونام كَلبي ابليل شوكَك على زنود الوهم غافي

وساعه ظلمه!!

فززن كَلبي الهلاهل..وشلكَيت؟؟

الكَيت شمع العشره طافي..

وحزمو شماتي مية خبر..ذبوهن ابداري..

انخطب..باجِر يعرس..وزعو ريحه وجِفافي

وبوكاحة عين اجت منك بطاقه:

"ادعوكم الحفلة زفافي"

وموش صوجِك..

صوجِ كَلبي..اليظن هاي الناس مثله

لاكَط ابكَلبي الوفه..

لو يطلع امن اليوم اغسله

ولو يكفيني الندم..

جِا غصبن اعله الروح احمله..

لجِن فشله..

لجِن فشله..

ينرمي اجناح الوفه ويحل على الصايود جِتله..

والله فشله..

امن الشماته..

امن النهوني..

امن الجفن من جِانت اطيوفك تجفله

ولو يكفيني الندم جِا غصبن اعله الروح احمله

ابصوت والحان الراحل عبادی کلمات








کاظم اسماعیل گاطع

[سمراء من قوم عيسى]

الله الله

روعاتك يا مبدع