هنا

[فقار الكرخي]

اعاين بي نهر من اوصل يضيع
واشم ريحة جرف تطلعلي حفره
ويجي عذرك عطش بس اذني صحراء
وتعال اسمعلي نوگ وخلگي سفرة
يشبر بالنهر وبطوله اجه يقيس
وعاف العرض لو نشبخ نطفره
تنور امي يخنگ بالنخل ضيف
ماميزك اذا مديت سفره
ترجعلي ذنب عود ارجع ادعيك
ماعذرك بعد وبليس اعذره
افرشت حيلي ملح ماغزر وياك
زراگ متوني هم تگدر اتنكره
شأمن بيك...؟ مالحة القلق ذاك
راحة بالي هسه وياك فكره
اليربطني ذنب بيك انه موشوگ
عشرتك غلطه..لا...شو چنها كفرة
عشت نخلة بوكت كل ناسه صفصاف
غشيم ورحت تركض ع الكثره
غلبتك وانه عود مگرم وياك
شتلة انته وركبتك وانه بذرة
ادور نية مادور عالوجوه
وحبيت الورد من طيب جذره
ادور افعال شلي برفگة الصيت
البير شغمگه بس هو اصله نگرة
ولتعاين لجيبي حجايتي فلوس
تسمرنه الشمس بس هيه شگرة
وانه شبيدي الوفه مچلب بالعظام
اليذم متعرفه هوه يكفيك شره
من اكسر عود معناها اجبرت عود
غير المنكسر بالعود اجبره
يكاسر خاطري هم يرهم العود
ليش احساسي يتجبر بحسره
الخنجر بس شكل علگته بالبيت
لوحب فعله من اوله اغدره
كلاني الشيب شنطر منك الحيل
وانه خلي بصدگ ماگتلي مره....
احلفك ببتسامة علي..جد راي
لان حدب كثر تچواي..جدراي
انفطر گد مااملح الزاد..جدراي
ابفرگتك ماصخ اليضحك عليه.....









مروان العنزي

[سمراء من قوم عيسى]

الله عليك