ما ناسيك ولا تنساني
ما ناسيك ولا تنساني
دلالي من الفرگه ايعاني
حبّيتَك حب عدّه احدوده
ولو رايد تسمع برهاني
روح انشد گلبك ويگلك
اشگد ايگلك يهواني،،
اهواك ابگد هاي الدنيه،،
واكثر من اهلي وخواني،،
والچلمه وياچلمه اتزعلك،،
مايگدر يلفظهه الساني، ،
لوگتلك اهواك اهوايه،،
لن اعرف اكثر تهواني،،
وبعيوني ادموع من الفرگه،،
دمي المابطل شهراني،،
والشامت يشّمت بيه،
وتبسّم لمن شافاني،،
اچتافي المايهدل بل مثگل،،
بس هم افراگك هدلاني،،
وجفوني ابيوم الماشفتك،،
واحد ماطبگن عل ثاني
درجع خلي انراضي اجفوني
والنوم الهاجر يلفاني،،
وگلبي التسارع دگاته،،
لومر طرواك وهزاني،،
ايلح كل لحظه اعله وصالك،
يسئل عنك شوماجاني،،
بفراگك چن عام الحظه،،
اتصور وانه اسنين امتاني،
وكل لحظه المرت مولحظه،
اتحدّه الما منهه ايعاني
لحظات افراگك چتاله،،
كل ساعه الموت وخزراني،
حاچيته اترجيته وگتله،
ادنه ومايقبل يدناني،،
صح مبعد هسه ومو يمك،،
بس وسطك عايش تلگاني،
ابفكري انته ابگلبي ابدلالي،،
دم يسري ويجري ابشرياني،،
انه المافارگتك ساعه،،
واسمك ماطاح من الساني،
لوتعرف انته اشتعنيلي،،
كلني انته وتنعد عنواني،،
وبلنسبه اشمحسوب العمري،
عمري الما واحد شغلاني،،
عنك ماتلهيني الدنيه،،
مامعقول اصلا تلهاني،،
انته اول وانته اخر عندي،
ونته المحسوب الوسطاني،
علي اطليع
رد مع اقتباس
