النمورة السورية
المقادير لعمل صينية مقاس 34 سم
3 كوب سميد ناعم
كوب وربع سكر
كوب وربع مي
3 ملاعق طعام قطر خفيف( شيرة)
2 ملعقة طعام مليانه سمنه حيواني
ملعقة صغيرة بيكنغ باودر
رشة ملح
-
القطر اللي بضيفه عالمكونات قطر خفيف مكون من كاسة سكر مع كاسة مي بغليهم خمس دقايق مع ملعقه صغيرة عصير ليمون و بضيف منه 3 ملاعق طعام عالسميد .
القطر السميك لتشريب النمورة
3 كوب سكر
كوب ونص مي
ربع ملعقة صغيرة حمض الليمون
ملعقة صغيرة ماء الزهر
ملعقة كبيرة سمنه
بحط السكر والمي عالنار وبتركهم يغلوا عشر دقايق وقبل ما أطفي فورا بضيف ملعقة سمنه وماء الزهر وبطفي النار .
الطريقة :
بسيح السمنه وبوعاء عميق بحط السميد والسكر والبيكنغ باودر والملح وبسكب عليهم السمنه السايحة ( ما تكون سخنه ) وبفرك السميد منيح حتى يتشرب السمنه بعدين بضيف المي وبحرك تحريك خفيف بإيدي ما بكتر تحريك حتى ما تقسى وقت الخبز وتعجن . بسكب الخليط بصينية فرن مدهون طحينة او سمنه وبتركها ترتاح 3 ساعات بعدين بحددها حتى وزع عليها المكسرات المرغوبة بشكل مرتب و بدخلها فرن محمى مسبقا على حرارة 180 بتركها 20 دقيقة بعدين بطالعها وبرجع بقطعها وبدخلها الفرن تكمل تحمير من تحت وبس نشوف الحواف تحمرت بطفي وبشعل النار من فوق واول ما طالعها بسكب عليها قطر بيغلي وبتركها تبرد ساعتين .
رد مع اقتباس
المشاركة الأصلية كتبت بواسطة فقد الاحبه
