باعونه الگبل چانو ربعنه
باعونه الگبل چانو ربعنه
باوعتلك.. باوعتلي
گتلك عيونك احبها
شـكثر گتلي؟!
گتلك شگد مابيها شوف
وباوعتلي..
وآه من نظرات عينك
دوم تتوازه على كتلي
احشم كل حلم ماطاح
يشيل الوحشه عن ليلي
وين الگالي جرعت طيف
من ازهگ تلوليلي
لـ وجدان النقيب......
ياهو الجاي يكسر بي
خاطر عندي لو گصبه ...؟
اريد احچي البگلبي ، بس اخاف انعاف "
ينذب الضرف من يحچي لـ بگلبه....!
لــ باﮪر الجنـــديل
لاتحتار النهر بس الله يدري بيش يتوضه
دورلك بشر بالضيج بي ركضه
حسين الحبتري
أبنادم
ظال طرگ الطين
لو عندي بخت مملوح
چا طحت بـ وجه موسى
روج الشيب واصل كسرة الحاجب
وكل تابوت
يَخزرني خَزر عاهر لو مشطت عشريني
ومَدري شكم گمر ماشيت
ولا واحد ترس عيني
ناصر البدري
أول مره
أحس مرتاح من دونك
وعيونك ولا مشتاگ لـ عيونك
تكلهم ماوفالي ضَحكتني بـ هاي
هَسه انتَ حبيبي بـ الوفه شلونك
لـ ابو فتيان
العين تحله شما ثخن حجي النكاب
الكمره كمره شما شمع غنالها
وسولف شماسولفت فات الحصاد
ترخص الدمعه التشوف خيالها
الناس سوك وقله اليبيـــعك لكاط
العين مودوم الكحل يحلالها
وانته مثل ولايتي تهوه الغريــب
روحك اتحن للي ماكفالها
شطلع منهن مكاتيبك؟
بدايتهن
غزل و مسامر و ملگه
و نهايتهن
توادعنه....!
ميثاق الهلالي
واظل محسوب عالعميان
چي ماشوفك گبالي