اجرح روحي بالسكتة وانوح عليكودمع الخنسه مايوصل جرف دمعي
الك رده ... يالمسافر.....
أظل أتناك ......
لو ايس وأخمد بالحزن شمعي
لبس عاشورك أسنيني ....
وخريفك جَرَد اوراقي وخنك سمعي
نزويت بروحي عن كلشي
ولهيبك بالچبد يسعي
أدك بابك وأتاني ترد ...
أدكها حيل ...
لچن المامش وعيناك ياعمري ..
هــدم حيلي وكسر ضلعي
أخذني وياك .. وين تريد .. لاترحل
مزكتني الليالي والكلب يلعي
يبو حچي الذهب يل طبعك توالم
سنيني ونخوتي وتراهم بطبعي
أخس الناس مد أيده وكطع ورداك
ويحســبون العمل شرعي
تاريخ الحلم سد بابه من مشيت
وصفت حتى الطيور بفركتك تنعي
يهلهولة فرح يل چنت من تفوت
أميز طيب عطرك دون عن ربعي
عمت عينچ يدنيه شلون ترضين
كل يوم والچ حيل وتودعي
اذا ماني بچيتك ياضوه كل دار
چا المن يصب نيران دمعي
خليتك كحل مافاركت عيناي
وفرح بسنيني تمشي وانت كل نفعي
يقاموس الحچي ومكمل القاموس
بأخلاقك الطيبه الزيدت وجعي
لون البچي يرجعك چا نخيت الناس
وخليت العيون دموم تدعي
لچن حظي المعثر ماحوى الزينين
ومن بعدك خلص ثلثين أصبعي
رد مع اقتباس
المشاركة الأصلية كتبت بواسطة علي الازيرجاوي
