هنا

[علي الازيرجاوي]

شسولف وانت يمي واني حاير بيك

شسولف وانت يمي
وانــه حاير بيك .
بعد خليني أحيـر وياك خليني ..

خليني اعترفلك
واليحب مجبور
اضيعـن بيك اريد ولا تدليني ..

شـفتك بالكلب
ما شفتك انه بعين
لأن طبعك شمس ما تحملك عيني ..

ما تكدر تعوفوك
موتتني الروح
واذا اردهـا عله دربك هم تمشيني ..

تسودن كلشي بيه
وظل يسولف بيك
وانـه وياك اظل عاشك سواديني ..

مدري شلون اشوفك
وانت جوه الروح
واكل لروحي يمك خل توديني ..

نص دين البشر
لو رادوا يكملـون
وانــه الكملـت وياك كـل ديني ..

تداوي الروح بيدك
بيدي أمرض الروح
حته النوب ترجع هم تداويني ..

يم العين اشوفك
وانت ما موجود
احسك تمشي دم بنص شراييني ..

واشوفك انت انه
وانه انت تصير
واذا اشتاك الك اصفـن وأحاجيني

[كبريائي قاهرهم]

عاشت الايادي
روعة الالقاء
وجميل الطرح
يمتعني بالقراءة
كل الود و باقة ورد
لروحك الطيبة

[علي الازيرجاوي]

شكرا يا طيب يا ذوق يا غلاي