يغاليتي
(يغاليتي )
اليذوب ويحترگ للناس
ما ينباع ( يم صبره)
واليسافر وي النهران
مايعطش على الگمره !
وليحط بالرماد اسرار
بس الريح التكسره !
واليدلّي الحزن للشوف
يبرد خنجره بخصره
والشلونك شحيحة راي
مادگّت عليّه الباب
شكثر متعوب والبيّه مطر وتراب
أشد صوتي اعله كل طارش
ولا منج خبر ينجاب
چاليش أنعرف مذبوح
وانه ابتسم يم كل سيف
يغاليتي شحلاتج من تسيريلي
واشبكج من يجيبج طيف
هوه انه جبت عمري غريب
ومحّد بحالي !
ولكيتج مدري چم گمره
اعله سچة نيّتي تلالي!
وادري الحللو دمّي
وخذو جم سالفة ابالي
حرام اندارلج( مچتول)
وتعرفين مني شراد چتّالي؟
وتعرفين يم الصوت مدري شسوّت السكته !
وتهت وبعازة اليحجون ويكولون ( هذا انته)
شبعد للموت ؟ لو وجهك ؟
خذاني الشيب واليمته !!
يغاليتي شكثر صلّيت بس اصورّج بنيتي !
شكثر طفت اعله وجه الله ولكيتج بي تبديتي
اخاف اشرب عشگ غيرج
ويضيعون جنسيتي !
وسام سباهي
رد مع اقتباس
