عالكاع شفتك ياكمر ، صابرين الكعبي
عالكاع شفتك ياكمر حاط
مدري بنهرمن خاطرك غاط
من تنكطع شيشد النياط؟
طر الكلب شيفيده الخياط؟
'
ياكمر وجهك ليش يندار؟
عمرك حلم وسنينك كصار
رمشك كبل مرجوحة زغار!
للمكبرة شوداك خطار؟
زتتني ريح العافيه ارماد
ذبيت گلبي وطاح ليغاد
مثل الحنينه الفاجده اولاد
ثگلن علَي وجفوفك ابعاد۔۔
عطرك تذرّى ويه المراويح
ركضت من الخوف الفلاليح
امنبعيد اهيسك وينج تصيح
والگاع حدري تگوم واطيح
هلبت رساله تجيبلي اعلوم
واعگد صوابي الجان ملچوم
تمطر عَلي حشمتك غيوم
بكل گطره وجهك خير مرسوم
عرّيس والدنيا اتمناك
ماعرف ليش مسافر هناك
هلبت امن انعي بدمعتي الكاك
جايب عيوني الراحن وياك
صابرين الكعبي
رد مع اقتباس
