هنا

[فقار الكرخي]

وصخ دنيه الفلس همزين جيبي انضيف
تتيمم چفوفي ابجيبي چن صحره
كافي الخوف بيه ايصلطن الوگاعات
الوجه اصفر يطيح امكانه مو شجره
تصعد صوم أنه وتنزل الهم عيد
بورصت الملل تشبه نفس فقره
مو داعي الوصط خير الأمو اتصير
البيضه استسهلوها امن الوصط كسره
احسد حيه صاير چي تبدلل ثوب
وانا ابحلي ثوبي وحلي گد عمره
من الله انشبگ مو عازه للشبگات
بخيت انا اوعلگ ينشدلي چي حضره
صحيح اتبعدت من اهلي انا اهواي
لٰـكن بي دليل افراگي بي عبره
وللصياد مو معنه المسافه افراگ
متقصد يروح ايصيد بل سفره
عاشگ من صدگ بس چذبه بيضه الشيب
عسم يحلف يمين اورايد اعتبره
المغرب للشمس ماينطي راحت بال
ضكها اوهل سبب عين الشمس حمره
مااصبح كحل يم ديرة العميان
الكحل بعيون العمه ايطببه الگبره
حفظوها الكراسي اوانا هم حفظيت
ايه الكرسي حافظ مولهو اوسكره
ضعت مابين سنه وشيعه مو محتار
الهوه دينه صلح متعادل ابأمره
الهوه صوبين مايلعب عله الحبلين
مره ايمر شمال وشرجي هب مره
حي ماعندي دار ابدار حق سكنيت
المهم بس دين عندي اوحافظ الگطره
طحت بارد رغم حار الصواب اهواي
اهو الحالوب طايح شنهو التفسره
طلبت احساس غيرك تمشي فوگ الشوك
ماهمك جرح يل ماشفت ابره
ترا راس البرج ينعد ونس شغال
وصل راس البرج ويجاري ممدبره
مااغلط بعد ولمطره غلطت غيم
ربحت گاع ناسه اوناسي منتظره
ردت گمفذ اصيرن مستحاي اهواي
راسي ابروحي يلبد روحي امعسره








محمد جاسم الناصري

[سمراء من قوم عيسى]

رائع يامبدع