الشيطان شاطر
------------------
الشيطان شاطر ، يا حلو ارجوك .. أبـــد لا تنـفرد ويـاي فــد يــوم
لكل اثنين تعرف ثالث إيصيـر .. وانت اغراء كلـّـك وآني محروم
جبت عمري عطش وبروحي صحراء .. وزلال الماي جسمك شفته وإغيوم
واسم الله عليك إشـّايل اوصاف .. تخلي البيه شلل يتوچه ويگــــوم !!!
المفاتن بيك كلهه لرغبتي تصيح .. وطولك بالفـؤاد إيبيع ويسـوم
قوامك ممتلي وبالخير مليان .. بس خصرك عليل وحيل ملمـوم
متوحش جمالك نابه غـدار .. وشامة الـ(عالشفايف) سهم مسموم
وبعيونك سحر خدرني تخدير .. والحاجب طويل ورسم مرسوم
هواي إتغزلو بعيون ( هيفاء ) .. وبالنسبة الك شفناهه چن بـــوم !!
بياض البيك خله الشمس تندار .. وتغطي إعيونهه من النور بغيوم !!
جيدك جبن مطلي بقشطة يا زين .. والوجنة عسل والحلگ حلقـوم
وبشفافي عطش للبوسة كتال .. يابو اشفاف برحي ورطب مكتـوم
أصابع مـوز بيدك مـو أصابيـع .. ( زنود الست ) يزندك شهـد ملضوم
ولك إرحمني لا تتعطر ارجوك .. بالعطر الفرنسي تزيد الاهمـوم
بيه الرغبة تصرخ لله وتصيــح .. وقوامك والصدر خيرات ملغــوم !!
وخيالين امتلك ، شاعر ورسـام .. واتخايل واشوف إلجوه الاهـدوم !!
دگلي شلون اقاوم هذا الاغراء .. وبيه اذياب تعوي وحولك إتحـوم
وشأگلك والنفس أمارة بالسوء .. وشيطاني قوي وبالگـوّه ملزوم
لتأمنلي لحظة بروحي بركان .. ورايد بس شرارة يثور ويگــوم
أنه بكلشي جبل بس خاوي وياك .. بس هذا الطبع بيه آني مذموم
صح وياك ما متجاوز احـدود .. لكن ما أظل للدوم معصــوم !!!
مو محروم گتلك بأول ابيات .. إذن شنسوي هسه وياك .. لتلـوم
أخاف منين ، فرصة لوحدك وياي .. والقانون ابد ميلوم محروم
والقانون ابد ميلوم محروم !!!
رد مع اقتباس
... مع تقييمي
