يا حبيبي
كان لك مني كل شيء
فهل ليَّ منك بعض شيء
لا.......
لا يهواي لا تشره
سفين الشوگ ما وچه بشريعة
ولا صفن له شراع
وانتَ الروچ
اهيسك تطفح بدمي
وجرفينك نبض مامنه الك مطلاع
وجروحي على مدن الشوف، نبعن أوف
ويرشن شواطي بمحبتك نعناع
وج روحي وأخذ عطاب
يومي لكل جرح يحدي، بونين أوداع
يمن ذچرك يمر بيَّ
ندى وليهوب
احب حُبك، صلاة وذنوب
يالوصلك ترافة املّحه بشوگي
صرت طوگي
حچل دنياي
معضدها
وگلايدها
وضوة أحلامي، وربيع الگاع
لا تظلم
ولا تشمس
ولا تمحل
ولا تريع
ولا تنشرة، ولا تنباع
حيرة ورافگت روحي
اعلى الدرب الضاع والماضاع
وفراگك
وفراگك سبوگ امرسن بصبرين
ما بين الگلب والعين
صبر مناطري
وصبر الجروح وساع
ناحر بالعمر محمل بهاگ الشيب
لا نخوة التنحره ولا گصر مصراع
وانتَ بها وكت وتغيب
ها گد هابعد بعد الجنح للطير
مادگ ريتي وحاتك نفس للغير
لا زرع المحنة يحصده غير ذراع
مــ انتَ لروحي
هواها وزادها وميها
تريد دموع ؟! ادمعلك
ولو ما تستر دموعي اعلى عيني
وحسنك صبيها
ردتني ضلوع، اضلعلك
ولو ما وسعن ضلوعي، لهواك شما كسر فيّها
ردتني شموع، اشعشعلك
ولو شوگي اعلى شوفك نار
ما يجهب شمع ضيها
ردت وشما ردت ويهون
ترمد للشماتة عيون
لو رديت للديرة الحنينة ويبتشر حيها
يــ وين مروتك حيها
رضت روحي بچثيرك خايب شسويت
نايم بالبراد وتگطع شويها
وهيّ حبك صحو ومبيات
ما ظنيت
يالحتى الخشب منك تگذل للدرب ضويات
ما ظنيت
وانت الشگفن عيونك وميض ونار خزامات
ظني لبيك، طير يونسك مناغاي
ويسكنن جناحينك علينا فياي
لو نعطش ينبعن ماي
ما ظنيت
عمري يضل مراح وياك
تسرح بيه، وتمرح خزلة الشوغات
وانا وياك يشگر مرصعة وشارك
ادور بنسمة الهلبت
واطيح بلفحة الهيهات
وشما حسبيت انساك
انسى المستحة من الناس
واتمنى الهوى لجياتك مرايات
وك، لو حبك محيبس
لـ ارج رمضان واهله وحيل اصيحن بات
لچن لو وصل علمك على لسان الشماتة هواي
گالوا مات !!
ابرد الويل
اطش الهيل
ارد كحيل
اصيحن حيل
يالشمات ميتة، مروّة الشمات
روح هواي، ثيلة اتحشها وتنبع
روح هواي، ريحة بكل نفس تربع
روح هواي، نجمة بكل سماء ترصع
روحه ولا تگولش روح
لولا الموت مرها تورشعه تورشع
وانتَ هواي، وانتَ ولا يحرجك ضيم
ولا عالضيم تتشيم
ولاتسهر
ولا طيف اعلى عينك مرّ
وانا الـ لو غمضت عيني اعلى كل مابيك تتلملم
و اود اعبر زفاف وياك لو حتى اعلى روج الدم
و اود لو ايست هينوب
تخطر بالمچنان الچنا بي نحلم
واشوفك من بعيد ابعيد
لا احزن ولا آني بعيد
واعلى مكابري اتلزم
واگل للروح لو زهگت
يروحي الماينوش الماي يتيمم
ولا مامش
لمشاهدة القصيدة على الـــ YouTube : أضغط هنا
رد مع اقتباس
المشاركة الأصلية كتبت بواسطة فقار الكرخي
