بعد كافي البُعد مابيه حيل اشتاگ،
بعد كافي البُعد مابيه حيل اشتاگ،
منو اليسمع كلامي و ياهو ليفسره
و انا ادموعي البهجرك جرن شبه السيل،
لو عل ملح صبّن خضّرت شجره
ضل موگد حسرتي الهسه بيه يعيش،
چم عام التعدّه و ماطفت جمره
كثر ظيم العليه يضيج منّه الكون،
لو شاله الجبل چان انكسر ظهره
معقوله الهجر ماتعّبك يفلان؟
لا ضيجة خلگ ، لا دمعه ، لا حسره
و انا عندي ابغيابك ماله معنا النوم،
و گضّيت العمر سهره اب اثر سهره
و من گد السهر سمّاني خويه اليل ،
ضل يشكيلي ظيمه و لوعه البصدره
مگيوله الهدالك بگّه رايد كون ،
تهديله يمل و اتشكره و اتقدره
ماريدن يمل كلما حصل قنعان ،
انا انطيتك بحر منّك ردت گطره
جزاته الطيب ربك گال بل طيب ،
شجاك و عوضتهه الزينه بل قبره
چف وكتي سطرني ابيوم شخصك شال ،
و الهسه اعله خدّي باقيه السطره
تعال و شوف بُعدك سلب مني الحيل ،
گد ما نحل جسمي اتحسّد الأبره
تريد اترك ودادك و اصبر اشما صار؟
اذا ايوب صابر هم خلص صبره
اشعجب هل مرّه گلبك طاوعك يهواي؟
چنت تحزن عمر لو نبتعد فتره
چفّك يعتذر چه صافح الشمّات؟
ضحك حتّي العذر يوم السمع عذره
اسكّت يا جرح من يبچي تالي الّيل؟
شحطله و ينضمد لو يذكر العشره
شيّعت الأمل عگبك لمن امشيت ،
و كل ما مر خميس اتعنّه يم گبره
عفت عمري غزال ابوسط وادي اذياب ،
ينام ابيا وكت و اعيونهه اتنطره
عليك انا احسبت تهواني حد الموت ،
و ضل مسلم حسبتي الهسّه بل حفره
ماني اول بشر شاف ابحياته اهموم ،
بس اول ابن آدم شيّب اب صغره
احـمد آلـبـومـعـرف
رد مع اقتباس
