يا حريمه انباگت سوالف عشگنه
يا حريمه
ضاعت العشره القديمه
يا حريمه
و لعبت الشمّات يوله و
شكّكو خل بنديمه
يا حريمه انباگت سوالف عشگنه
و فرگونه بليل و ارتكبو جريمه
يا حريمه شطوط عشرتنه
التروي گلوب ملهوفه
أصبحت تترجّه ديمه
چم سحابه تمر علي الديره برعيد
و ننتظر زخة مطر لكن عقيمه
يبست حلوگ العبابير التبدي الماي
و الگاع أصبحت تربه و هشيمه
ترست عيون النواعير برملها
و يبّست حتي الصريمه
يا حريمه
الدنيا سالوفة غدر كفّت فرحنه
و بحلگ تنور كلفات المحن ذبتنه چيمه
دولبتنه و ضيعينه سنينّه بحلگ الحراثي
الفرّگت خل من حميمه
يا حريمه
تفارگينه و شوفة الحيّ للعدل صارت غنيمه
و الضّماير خيّم عليهن ضباب
و ضيّع دروب المحنه و ما بقت للعشره قيمه
و انهزمنه گبال مدغوش النوايا
الچنه دوم نصول ما نقبل هزيمه
و الشّيم ساحگها بيّاع الضمير
و گمنه من أسود گلب نترجّه شيمه
يا حريمه
و ضاعت العشره القديمه
م
رد مع اقتباس
المشاركة الأصلية كتبت بواسطة سمراء من قوم عيسى
