قصيدة الهداية
قصيدة الهدى
اتحدث بهذه القصيدة عن انواع الهداية التي يهبها الله سبحانه وتعاله لمخلوقاته وهي اولا هداية المصلحة وتعني الحواس والافعال الارادية واللاارادية كقوله تعالى ( ربنا الذي اعطى كل شئٍ خلقه ثم هدى) والثانية هي هداية الدلالة وتعني تعاليم القران واحاديث اهل البيت بما فيها من تعاليم وارشادات واوامر وعبر وقصص واخبار وعلوم وغيرها والثالثة هداية التوفيق وهيه الالتزام بكل ما جاء بالقران واحاديث الرسول وتطبيقها والعمل بها
-----------------
سبحانك الهي ياعظيم الشان
تخلق الخلايق وانته هاديهه
انواع الهداية تلاثة بالتحديد
على كلمن تشاء الهي تنطيهه
وحدة مصلحه ومثلهه للتوفيق
والاخرى دلالة العقل يحويهه
اما المصلحة فهيه على الاحساس
احساس النظر والسمع يتليهه
واحساس اللمس والذوق ويّه الشم
غير المانحسهه الفكر يخطيهه
عندك لا ارادية اكو احساسات
شوف الامثلة الّي رايح احچيهه
يطلع من بطن امه الطفل يهديه
ربك للرضاعة بدقة يقضيهه
لو زاد اللعاب البلحلگ بالنوم
افعال البلع دماغه ينطيهه
جرثومه اذا دخلت جسم انسان
انذار المناعه تدخل اعليهه
تستطلع على الجرثومه من يانوع
تهجم بالسلاح الخص اعاديهه
تقضي بالتمام وتقتل الجرثوم
يطلع خارج واثاره تمحيهه
شوف الكضر غدة زغيره كلهه اعجاب
اكثر علماء الدنيا تدريهه
اي كائن يشوف الخطر منّه يخاف
والصوره الدماغ بسرعه يدريهه
للغدة النخامية امر مرسول
من جوى الدماغ الامر ينطيهه
يتصدر امر للكظر بالانذار
يگلبهه الكظر عاليهه واطيهه
ويصدر امر للگلب بالاسراع
بالنبضات كل عروگه يمليهه
ويصدر امر للرية هم وياه
تسرع بالتنفس تلحگ عليهه
يوعز للكبد يفرز السكر زود
لانحاء الجسم خاطر يغذيهه
هرمون التخثر ينفرز وياه
خافن ينجرح وجروحه يشفيهه
من يعلا الضغط بالنوم عل اضلاع
يتبلغ دماغ النايم عليهه
يتگلب جسم لنسان بالاوضاع
ما يتشنج ويخدر تواليهه
گلباته تصل لثمانيه وتلاثين
كلهه تصير مو بحساسه واعيهه
غدة زغيرة عندك تشتغل بالنوم
ضد السرطان اعضانه تحميهه
كل هذا هداية مصلحة نسميه
من بعده دلالة وهسه اتليهه
تتركز على القران واهل البيت
طاعتهم بوسط الگلب خليهه
دستور وعلم بيهن وارشادات
واخبار وعبر بالغالي نشريهه
لو تلتزم ربك يهدي للتوفيق
ويزيد الهداية بكل نواحيهه
اسماعيل القريش
١٤/٢/٢٠١٨
ِ
رد مع اقتباس
المشاركة الأصلية كتبت بواسطة نـايـا
